268 դիտում

Զգայական ինտեգրացիան ու խոսքը սերտորեն կապված են:

Երբ երեխան ավելի լավ է ընկալում և մշակում շրջակա աշխարհից ստացված տեղեկատվությունը, նրա համար ավելի հեշտ է դառնում հասկանալ խոսքը, հաղորդակցվել և սովորել:

Երեխայի խոսքն ուղղակիորեն կապված է զգայական ինտեգրման հետ: Խոսքը միայն բառերը չեն: Այն կախված է նրանից, թե ինչպես է ուղեղը ստանում, մշակում և համադրում զգայարաններից ստացված տեղեկատվությունը: Հենց այդ պատճառով զգայական ինտեգրացիայի առանձնահատկությունները կարող են ազդել խոսքի ընկալման, ուշադրության և հաղորդակցման վրա:

Որպեսզի երեխան սկսի խոսել, պետք է ճիշտ աշխատեն մի քանի զգայական համակարգեր:

ԼՍՈՂԱԿԱՆ ՀԱՄԱԿԱՐԳ

Երեխան պետք է լավ տարբերակի հնչյունները, հասկանա իրեն ուղղված խոսքը և կարողանա առանձնացնել խոսքը աղմուկից:

Եթե կան հնչյունների մշակման դժվարություններ երեխան կարող է չհասկանալ խոսքը կամ շփոթել հնչյունները:

ՊՐՈՊՐԻՈՑԵՊՏԻՎ ՀԱՄԱԿԱՐԳ (մարմնի զգացողություն)

Օգնում է երեխային զգալ սեփական մարմնի մասերի դիրքը և կարգավորել շարժումների ուժգնությունը:

Եթե դրա աշխատանքը խաթարված է, երեխայի համար կարող է դժվար լինել ճշգրիտ կատարել շարժումները, այդ թվում' արտաբերական (արտիկուլյացիոն) аппараտի շարժումները:

Սա կարող է ազդել խոսքի հստակության և հնչարտաբերման վրա:

ՎԵՍՏԻԲՈՒԼՅԱՐ ՀԱՄԱԿԱՐԳ

Օգնում է երեխային պահպանել հավասարակշռությունը, վերահսկել մարմնի դիրքը և կարգավորել ակտիվության մակարդակը:

Վեստիբուլյար համակարգի աշխատանքի խանգարումները կարող են ազդել ուշադրության, առաջադրանքները երկար ժամանակ կատարելու և համատեղ գործունեությանը մասնակցելու ունակության վրա:

Արդյունքում երեխայի համար կարող է ավելի դժվար լինել տեղեկատվության ընկալումն ու հաղորդակցության մեջ ներգրավվելը:

ՏԱԿՏԻԼ ՀԱՄԱԿԱՐԳ (ՇՈՇԱՓԵԼԻՔ)

Օգնում է երեխային ընկալել հպումները, տաք և սառը վիճակները, սեղմիկները և առարկաների հատկությունները:

Եթե դրա աշխատանքը խաթարված է, երեխան կարող է խուսափել հպումներից կամ, ընդհակառակը, մշտապես փնտրել տակտիլ (շոշափողական) զգացողություններ:

Սա կարող է ազդել վարքի, ուսման և շրջապատի հետ փոխազդեցության վրա:

Ժամանակին ցուցաբերված աջակցությունն օգնում է ամուր հիմք ստեղծել հետագա զարգացման համար։

Եթե ունեք հարցեր, կարող եք դիմել ինչպես մեզ, անպես էլ մեր Synapse AI օգնականին։

Կայքի հղումը այստեղ

https://synapse-developmentcenter.am/hy/